exposición fotográfica “os veos da paisaxe” (ferrol, galería sargadelos, 2009)
xunto coa aparición d’os veos da paisaxe, desta volta da man de antonio piñeiro na colección bourel, preparei unha exposición con algunhas das fotografías que aparecían no libro. facendo clic aquí podedes ver unha mostra das imaxes.

fóra de campo (ourense, galería visol, 2013. ferrol, galería sargadelos, 2014)
o outono fotográfico de ourense convocou a ignacio castro “nachok” a facer unha proposta para a edición de 2013. ignacio abriu o convite a outros dous artistas plásticos amigos, caxigueiro e ernesto gonzález torterolo e a min. entre os catro deseñamos un proxecto que, como o seu nome o di, fala de fotografía desde as marxes. podedes ver unhas imaxes da exposición en ferrol facendo clic aquí.