{"id":626,"date":"2016-03-29T20:13:43","date_gmt":"2016-03-29T20:13:43","guid":{"rendered":"http:\/\/luagris.net\/blog\/?p=626"},"modified":"2016-03-29T21:09:27","modified_gmt":"2016-03-29T21:09:27","slug":"chega-do-rio","status":"publish","type":"post","link":"https:\/\/luagris.net\/blog\/?p=626","title":{"rendered":"chega do r\u00edo"},"content":{"rendered":"

o ano pasado presentei entrar na casa<\/a><\/em> en buenos aires. foi moi especial porque nunca recitara os meus poemas en p\u00fablico na mi\u00f1a cidade natal.
\no acto tivo lugar despois de encontrarse moitas casualidades e grazas \u00e1 colaboraci\u00f3n de diferentes persoas, mesmo algunhas \u00e1s que non co\u00f1ec\u00eda de nada. o art\u00edfice de todo foi fernando tomasen\u00eda, un dos meus amigos da alma, compa\u00f1eiro de moitas batallas desde hai xa moitos moitos anos.
\ne entre moitas cousas incribles que conseguiu argallar fernando unha das m\u00e1is sorprendentes foi a participaci\u00f3n no acto de georgina hassan<\/a>. ela \u00e9 unha cantante que fai m\u00fasica dif\u00edcil (para min) de etiquetar pero que dir\u00eda que circula arredor do folk arxentino pero coa ollada posta tam\u00e9n noutros horizontes. as\u00ed, ela xa gravara nalg\u00fan dos seus discos un tema en galego<\/a>, como ten tam\u00e9n un en euskera<\/a>, froito dunha colaboraci\u00f3n con kepa junquera.
\no caso \u00e9 que, cando fernando a convidou, ela colleu uns versos do meu libro os veos da paisaxe<\/a><\/em> e p\u00faxolles m\u00fasica abr\u00edndolles uns horizontes que eses versos nunca so\u00f1aran. ese d\u00eda tocou a canci\u00f3n, acompa\u00f1ada pola mi\u00f1a querida valeria donati<\/a> que chegou ao “museo del libro y de la lengua” en son de comadre e acabou subida ao escenario para axudar a georgina que (dic\u00eda que) non estaba ben da gorxa. o resultado \u00e9 este que vedes a continuaci\u00f3n. o son non \u00e9 o ideal pero abonda, penso, como documento.<\/p>\n